نتائج البحث عن ردود العضو : نسيم الشمال

 هسه انا قعدت طول التوجيهي انحت 



عشان انزت بالصحرا !!



..

 بس اسمحولي ..



بالنسبة لهندسة الاتصالات .. هي هندسة بجدارة 

العام معدل قبولها للعلمي 92 اكمن عشر 

السنة ما بعرف كم / !



هندسة البرمجيات مش هندسة ..! 

حسب كلام الوزارة ~

 هاد يا ستي ..



المكرمة ما بتزيدك بس بتخفف وطأة التنافس عليكي 

يعني بدل ما تتنافسي مع كل طلاب المملكة اللي بدهم هندسة اتصالات 

بتتنافسي بس مع طلاب المكرمة فقط .. يعني بتخفف العدد ..

مع العلم انو الجيش الهم 20% من المقاعد .في المملكة .



مثلاً / 



لو عنا من ابناء القوات المسلحة 100 واحد بدهم هندسة اتصالات 

بياخدو أعلى 20 واحد وبدرسوهم على حسابهم ..

وإذا 2 أو 3 تساوو بالمعدل وعم بتنافسو على المقعد رقم 20

الأخير يعني 

بياخدو اللي ابوه خادم أكتر بالجيش واللي ابوه من مواليد الاقليم الاقل حظاً 



وهي مرتبه كلآتي ::

من الاقل حظاً ... للأوفر حظاً 

الجنوب .. الوسط .. الشمال 



بس اعتقد السلط بينحسبو من الاوفر حظاً .. والعلم عند الله 



يعني الي ابوه مواليد اربد أو الرمثا فرصتو أحياناً شبه معدومة

لانو العام واحد جاب 95 علمي ابوه مواليد اربد .. ما طلعلو مكرمة







..



يعني انتي وحظك ~

 كاسياس مرتبط !!



assoomsad

 تخيلوا لو نكون واقفين عليه ويوقع فينا 



هههههههههههههههههههه

 يا رب ما اضطر اعيد التوجيهي  ~

 هاد اول مبارح انا ما نمت كالعادة من لما خلصنا توجيهي وانا بنام باليوم ساعتين ..





وصار امبارح الساعة 5 الصبح وانا لسه صاحية / نمت وصحين عالسبعة ونص 

كان ابوي طالع عالمدرسة يجيب النتيجة ..

وانا على اعصابي / حتى الحمام ما قدرت اروح عليه 



ضليت امشي بالبيت واسأل امي متى النتائج ؟ ومش عارف ايش ؟ وطولو ؟

وادعي ربي كمان / 

كان عندي 3 خيارات متوقعيتهم 



والا الساعة 8 والسيارات بتزمر .. اجا ابوي وهو بزمر كمان 

حكيت يا سآتر ..



دخل البيت بحكيلي معدلك ****

ويساوي اقل توقع توقعتو .. 



انصدمت وصرت ابكي واللي بدو يشمت شمت ..

والا جدتي جاية عنا .. شافتني بعيط راحت دمعت وصارت بدها تعيط 

راحت امي حكتلها لا المعدل هيك  ****



قال انبسطت هي وكلهم مبسوطين إلا انا .. والله انتحرت 

يعني من يوم ما دخلت التوجيهي ما طلعلي يوم انبسط فيه 

خلص .. ربنا عدل 



شكلي بستاهل .!.



..



للآن وضعي زفت ..



ياريت وقفنا على هيك .. اجت عمتي وعمي وبلشو الناس ييجو واحد واحد 

انا ما بدي اشوف حدا ,, والناس ما برحمو ~

وخالتي كمان ..



وعملولي حفلة بالخآوة 

بس ما خليتهم يحطو أغاني ولا نجاح ولا وطني ولا عادي ولا اسلامي كمان 

كل هالناس قعدوا وصبتلهم امي قهوة سادة زي العزا لا سمح الله 

وقعدوا يسولفو مع بعض ..منيح اللي جمعنا عيلتنا مع عيلة امي 



بس كانت حفلة بتضحك شوي ..



احكيلكم شو صار //



اجا حوالي 100 وحدة أو اكثر بس انا قدرت العدد حسب سعة المجلس 

غير عن الصغار .. والرجال ما بعرف لانو ما شفت 



البيبسي والعصير بالاول ما كفى / بنحط بالتلاجة وما بنلاقيه 

بس انا سمعت ولد صغير بحكي شربت 4 لهسه !!!

وفي بنت صغيرة كمان بحكيلها روحي جيبيلي عصير وما بترجع 

وولد صغير قاعد جنبي كل ما افتح اشي بشرب منو شوي وبحطو عالطاولة 

برجع بدي اكملو ما بلاقي العصير ولا الولد ..



لما رحت ادور على اختي لقيتها بتصب بيبسي للبسس 

هاد غير عن الولد اللي كان مخبي ببلوزتو ..



..



انا بحكم انغلاقي عن المجتمع ما بعرف حدا !

والحضور ما في حدا من عمري او بعرفو عير امي وخالاتي وعماتي وجدتي 

قال في وحدة بتطلع علي بتحكيلي كيفك ؟

بحكيلها الحمد لله ..وحكتلي مبروك ومش عارف ايش ّ!

بتحكيلي عرفتيني ؟

بحكيلها لا والله مين انتي ؟

بتحكيلي انا مرت محمد ( زوجة محمد ) 

انا صرت اضحك : نعم يختي مين محمد ؟

( انا مش عارفة يعني حتى لو بعرف محمد انو محمد كل الناس محمد (..

صارت تشرحلي: ما بتعرفي محمد هو  محمد ابن ابو مش عارف مين اخو سالم خال مش عارف شو هيه 

المهم اختصرت على حالي وحكيتلها آه عرفتو .. اهلين تشرفنا ~!!_



بحكي لحالي لو عملت هيك من اول وتريحت منها ~



..



رحت عند ختيارة بلكي طلعت خرسا 

والا هي الله لا يوريكو قديش برامة : يا بنت ليش ما في اغاني 

يا بنت حطيلنا وطني يا بنت يلا هيك صار عزا ( لا سمح الله 



صرت احكي اي كلام المهم نفدت 

بعد شوي اجا ولد صغير كتير عند هاي الحجة 

حطتو بحضنها وصار ( يبزق.. 

وبتلاعب فيه _ اعوذ بالله !



انا اجيت بدي اجامل ( على اساس اني بعرف اجامل يعني !

يبحكي للمرا مين هالولد الحلو ؟

حكتلي //::











































هاد ابن محمد 



انا انصدمت وبلشت تطربني عاد : محمد ابني .........الخ 



طلعت الحجة هي راس البلوة ~!! أم محمد ~!!



...





اعوذ بالله من هيك يوم ~

 



.. 



غير عن النكد اللي عملتو بالصالون 

انا بحياتي كلها رحت مرة عالصالون ~

قبل 8 سنين يمكن ..



ما بحب الزناخة ولا السشوار ولا شد الشعر ولا اشي

وما بدي اروح بس خاوة سوبر أخدوني 

المرا كانت تعمل شعري وانا بعيط : اتركيني وخلص وبكفي !



ما تحملت / قعدت ساعتين كل اللي عملتو سشوار !

انا هيك مبسوطة بالسشوار عجبني ِ

بعد شوي اتصلت خالتي / بتسأل شو عملت ( نسيم بشعرها ؟

حكتلها ..

راحت حكت للمرا تبعت الصالون .. لا ارفعيلها اياه !



صارت ترفعو وتنكش ومش عارف ايش .. بدون ما تسألني 



طيب يا ناس هاد شعري !!

وصرت اعيط ..

راحت المرا تحكي خلص خلص لا تبكي هي فكيتو ..

وفكتو ..





يعني ولا اشي زي ما بدي 

حتى الفستان مش زي ما بدي 





.. لا اله الا الله ..

 
 المشاركة الأصلية كتبت بواسطة:   مها*;1128379 معلوماتك خاطئه يختي:7noon:

روحي على موقع اليرموك وشوفي assoomsad

....

والله يبارك فيكم assoomsad


عذراً / انتي فهمتيني غلط ~

ما اعتقد حكيت اشي بزعل / ولا كلمة كليكما 

انا قصدي مبروك النجاح ألك والها 

..



المهم / انا معلوماتي من وحدة تنسيق القبول الموحد 

اللي عليها رح تقدم الطلبات الالكترونية ..



http://www.admhec.gov.jo/UnivLeasravr.aspx

..



بس لسة ما طلعت الحدود الدنيا للمعدلات التنافسية 2010

الثلاثا بتطلع !





..



وبعتذر كمان مرة إذا صار اشي ~:ohgod:

 
I am not afraid to stand alone

 

If Allah is by my side

 

Everything is going be alright

 

Going to keep my head up high

 انا الآن في وضع سيء ~



ما بدي احكي مع حدا ولا حدا يحكي معي 

 اصلاً ما في حدا ..



يعني صاحبتي طلعت شريرة ..

حاسة حالي بأفلام كرتون .. بنكون عايشين سعداء ومبسوطين 

وفجأة بطلعو اللي حوليك مخادعين وأشرار وبحاولو يدمروا العالم 



بتكون مخططة لشغلة من سنين وبعدين بتنمنع من ابسط حقوقك 

وبصير كل اشي لازم تعملو خاوة وغصب 

وبس تطبق اللي بدهم اياه بتكتشف انك انت مش انت  ..



يعني يا بترضيهم وبنسم بدنك 

أو بتسم بدنهم كلهم وبترضي حالك ~







انا اخترت ارضيهم .. هيك الدنيآ

 assoomsad

:ohgod:

:tomato:

 صراحة عمري ما سمعت بالتخصص ~





لانو اليرموك أقل تخصص فيها رياضة 74 سنة 2008

اتوقع بطلعلها بالكليات .. أو بالبلقاء التطبيقية / او الطفيلة التقنية



 بس خليها تحط أمامها خيآر ( إعادة السنة ) 

ووتشوف إذا ممكن تغير تخصصها لأدبي أو آيتي ..

عشان ما تنحصر بالتخصصات ~



وومبروك لكليكمآ ..

 
 المشاركة الأصلية كتبت بواسطة:   MUSTAFA ALASSAF;1124887 وينكوووووووو يااا دووووله ؟؟؟

 

شوو صاار مع نسيم الشماال بالنسبه للتوجيهي ؟
أهلاً عم مصطفى .. زمان عنك 



الحمد لله على كل حال



انا نجحت وجبت 92 



assoomsad

 وبعدين / بدهم يبهدلونا قبل ما يسمونا بالنتائج ..



يآ رب سآعدنآ ~

 ما انتي ما بدك تاكلي وتشربي ؟

 ههههههههههههه



طيب كيف عرفتها ؟



إذا ما فيها احراج يعني ~

 :bkk:





assoomsadassoomsadassoomsadassoomsadassoomsadassoomsadassoomsadassoomsad

 اكيد 



يا هلا 



منــورة 



..

 المسألة سهلة ,, 



بس انت اشرح لأهلك وفهمهم واطلعهم على خطتك المستقبلية 

شو بدك تدرس / ايش بدك تشتغل واحكيلهم عن البنت 

واطلب منهم يساعدوك كلهم .. ما رح يقصروا !



وفي يوم من الايام خلي اهلك يطلعو على بيتهم ويتفاهم الاهل بين بعضهم

ويحكو في الموضوع مع اهل البنت ..



وهيك بتكونوا شبه خطبتو .. بس بدون ما تشوفوا بعض 

وبدك تتطمن على اخبارها احكي لأمك تروح لعندهم وتعرف شو اخبارها 

والباقي حسب تفهم الاهل ~





وإذا فيها خير ربنا بيسرها 

..

 كلامك صح ..







الانتخابات هاي انحطت عشان الشعب 

المفروض يتحسن وضع الشعب بعد الانتخابات 

بس اللي بصير انو الشعب بوصل لأسوأ وضع بهذا الموسم 

كلها مصالح وعشائر وجاهات 

انا مش ضد العشائرية / بس لحد هون وبس !

بدنا نتحضــر شوي



ابو جمعة كان بامكانو يحسن وضعوا لأربع سنين جاي

لو اختار النائب الصح ودل عليه ..

لانو النائب الجيد بوصل انت شو بدك للحكومة بخلي الك وجود

تخيلو يا جماعة احنا لما بنختار النائب / كأنو القينا بكل همومنا واهتماماتنا على كاهلو

وبننسحب كمواطنين من العمل السياسي .. وكل مستقبلك عند الدولة بيد النائب 

اللي اعطيتو صوتك ..!!



يمكن مجلس النواب الاردني بذكرني بدار الندوة ايام قريش

بس دار الندوة فعال اكثر





وإذا الديمقراطية هي لم المصاري من النواب وبآخر ما نصوت

فآنا اول اعداءها وانادي بعدم اعتمادها في البلد





..



بس تعليق صغيـ{ــر :

هاي اول قصـة بنطرح فيها ( استغلال المواطن للنائب ) 

طول عمرو النائب هو الشرير!



..



يعطيك العافيـة عم بدر ~



~

 



لما اجيت بدي احط عنوان الموضوع رقم العضوية 



دخلت على ملفي الشخصي مرتين واشوف مشاركاتي . واحفظ الرقم وحالتي حالة 



باختصار عندي مشكلة / او مرض اسمو :

فقدان الثقة بالنفس ..



انا عارفة انو السبب اللي صارلي عالفصل الاول بالتوجيهي .. انتكاسة شنيعة 

اثرت علي بشكل كبير حتى بدأت تنقصني انفاسي 



يعني صارتلي اشياء فظيعة بس لأني ما عندي ثقة بنفسي ..

كيف اعالج المشكلة ما بعرف .؟



برجع بحكي شو صار فيي بعدين لأنها بدها قعدة مع حالي ..

 ارجع اعرفكم بحآلي ~



 نسيم الشمآل / 



 من عصر آخر  ..







العمر: 18

البلد : الأردن 

الهوايات : الرسم و القراءة و التفكير و السرحان 

وابلش حالي بشغلات غريبة

الرقم المفضل:  7)

الاكلات المفضلة : كل اشي ما عدا بعض الاشياء

 اللي لا تستحق الذكر





B.r.B

 يا لعظمة اليآبآن ~



!!

 مرحبآ 







اول ما فتحت المنتدى قبل اكمن يوم / ما لقيت ولا صفحة خاصة الي 

مع اني كنت كاتبة كم منيح ْ~

بس قدر الله ما شاء فعل ..



نبداً من جديد ..



اول ما بديت اكتب ما عرفت شو احط عنوان للصفحة / كنت بدي احط نسيم الشمال زي قبل 

بس بعدين حكيت ( مستهلك ) 

هو احكيلكم شغلة / 

دائماً التمييز في البساطة خصوصاً حالياً 



يعني مثلاً لما بروح على حفلة ( نادر جداً ) 

بكونو كل البنات زي العروس .. احياناً بحتار اي وحدة فيهم العروس ~

طبعاً السبب انو كل وحدة بدها تكون مميزة ( الهدف واحد ) 

بس المشكلة انو الكل استخدموا نفس الوسيلة عشان يوصلو للتميز



_( الغاية وحدة و الوسيلة وحدة )_



وهيك بصير كل البنات مميزات بنفس الطريقة 

يعني التميز صار النمط السائد / التميز ما عاد تميز صار حالة طبيعية

والبساطة صارت غير عادية ..

وهاد اللي بخليني بسيطة في كل اشي

ونفسو خلاني اختار 8411 كاسم لموضوعي ~











والخلاصة / التمييز و الابداع شغلة نسبية يحددها المحيط 

 أهلاً عم لحـن ~



بس الحلوان بعد النتائج ، قصدي بعد القبولات ..



بس إن شآء الله بوصلكم في يوم من الايآم ~

 يمكن هاد انا يا لولو .



عادي لا تخافي .. كملي حكي ~ :tomato:

 لعبة قديـمة ~

 انا اعصابي تلفانة مش قادرة اتحمل 



الله يستر من اللي جاي ..



ما عندي حكي .. 



فأنا الآن / اجيد الموت اكثر من الكلام

 نرجع نحط اغنيــة 



..



كيف نوصل للنهاية في طريق دون ما نعرف حقيقة اوله ؟؟







https://www.youtube.com/watch?v=2MZRYSSh3To&feature=related





يا ترى من هو يجيب الأسئــلة ~؟؟

 كمان ما في حدا ~



مش مهم 



..



اعطيكم معلومات عن ~







الساعة الذرّية 





جهاز لقياس فترات الوقت (الزمن) بقياس ترددات الموجات الكهرومغنطيسية التي تطلقها أو تمتصها الذرات أو الجزيئات. 



وتعمل هذه الساعات الذرية بترددات منتظمة جدًا، ولا يزيد تفاوت تقدم أو تأخر هذه الساعات على ثانية في كُلِّ مليون سنة. والساعات الآلية تتأثَّر بالعديد من الأشياء مثل التغيرات في درجات الحرارة، والتآكل في بعض أجزائها.

  والذرات والجزيئات المستخدمة في الساعات الذرية تضم ذرَّات السيزيوم والهيدروجين وجزيء غاز الأمونيا. 



تتحكم الساعات الذرية في إشارات الوقت المرسلة إلى العالم من مختبرات وطنية.

 وفي عام 1958م تبنّى العلماء معدل ترددات ساعة ذرية مقياسًا لتعريف وحدات الوقت.













..



      

نراكم في الحلقة القادمة

 بما انو كلكم نايمين 

وما حد برد 



قررنا نحطلكم هاي الاغنية ~

لأني بحبها .. وهي حلوة 



https://www.youtube.com/watch?v=1vjJ29bLKfg

 طبعاً البث متواصل ومباشر حتى عند الفجـر ~





وكمان مرة 



آآآآآلــــووو !